Mga gasolinahang 'bote-bote,' mapangnib: DOE

September 10, 2017 7:29 AM

5 0

MANILA - Nagbabala Linggo ang Department of Energy (DOE) sa peligrong dulot ng "bote-bote" o mga hindi rehistradong liquid fuel refilling stations.

Lantad sa pagsabog at sunog ang mga ilehitimong nagbebenta ng produktong petrolyo, ani Rino Abad, direktor ng Oil Industry Management Bureau sa DOE.

Gumagamit kasi aniya ang mga ito ng hindi awtorisadong lalagyan tulad ng bote ng soft drinks o mineral water, na hindi angkop sa gasolina, diesel at LPG.

Posible rin aniyang magkasakit ang mga trabahador at residenteng nakatira malapit sa mga bote-bote dahil nalalanghap nila ang singaw ng langis.

Dagdag ni Abad, hindi rin nakasisiguro ang konsumer sa kalidad ng produkto at kung tama ang timbang sa binayarang presyo.

Hinimok ng DOE ang publiko na isumbong sa kanilang tanggapan ang mga ilegal na refilling stations.

Source: news.abs-cbn.com

To category page

Loading...